«Манчестер Юнайтед» ва Англия терма жамоаси собиқ ҳужумчиси Уэйн Руни Муҳаммад Салоҳнинг яқинда «Ливерпуль» ўйини шаънига айтган танқидий сўзларига муносабат билдирди.
«Агар мен Арне Слотнинг ўрнида бўлганимда, якшанба кунги ўйинда Салоҳни стадионга яқин ҳам йўлатмаган бўлардим. Тўғрисини айтганда, у мураббийга ишонмаслигини очиқчасига эълон қилиб, жамоа ичига граната ташлаб кетди», — дея Рунининг сўзларидан иқтибос келтирмоқда ВВС.
Эслатиб ўтамиз, жорий мавсум якунида Салоҳ «Ливерпуль»ни эркин агент мақомида тарк этади, унинг келажаги эса ҳозирча номаълум бўлиб турибди. У «қизиллар» сафида роппа-роса тўққиз йил ўтказди — мисрлик юлдуз жамоага олис 2017 йилда, Юрген Клопп даврида келган эди.
Аввалроқ ҳужумчи ўзининг шахсий ижтимоий тармоқдаги саҳифасида «Ливерпуль» ўзининг «ҳужумкорлик қиёфасини» қайтариши кераклиги, чунки рақиблар жамоадан қўрқмай қўйгани ҳақида ёзиб қолдирган эди.
