«Реал» клуби душанба куни ҳимоячи Дани Карвахаль яқин орада жамоани тарк этишини эълон қилди. Ушбу воқеа муносабати билан мадридликлар президенти Флорентино Перес ўз фикрларини билдириб ўтди.
«Дани Карвахаль — «Реал» ва унинг академиясининг афсонаси ҳамда рамзидир. Унинг севимли ва унутилмас Альфредо Ди Стефано билан биргаликда «Реал» базасининг биринчи ғиштини қўяётган пайтдаги сурати барча мадридчиларнинг юрагида ва клубимиз тарихида абадий қолади. Карвахаль ҳар доим «Реал» қадриятларини намунали тарзда ўзида мужассам эта олган. Бу ер унинг уйи ва бундан кейин ҳам ҳамиша шундай бўлиб қолади», — дея Переснинг сўзларидан иқтибос келтирмоқда «қаймоқранглилар»нинг расмий сайти.
Дани Карвахаль деярли бутун фаолиятини «Реал»да ўтказди. Бундан фақат 2012/2013 йилги мавсум мустасно бўлиб, ўшанда ҳимоячи Леверкузеннинг «Байер» клуби шарафини ҳимоя қилган эди.
«Реал» жорий 2025/2026 йилги мавсумдаги сўнгги учрашувини 23 май куни ўз майдонида Бильбаонинг «Атлетик» клубига қарши ўтказади.
