«Сантос» юлдузи Неймар Бразилия терма жамоасининг Жаҳон чемпионати — 2026 учун якуний рўйхатидан жой олгани ҳақида фикр билдирди. 34 ёшли ҳужумчи ўзининг ижтимоий тармоқларида шундай деб ёзди.
«Бу чақирувни барча кутган эди. Неймарсиз мундиални тасаввур қилиб бўладими?»
Неймар Европадаги фаолияти давомида «Барселона» ва «ПСЖ» каби клублардаги ўйинлари билан танилган. Шунингдек, у Саудия Арабистонининг «Ал-Ҳилол» жамоасида ҳам тўп сурган.
ЖЧ-2026 Шимолий Американинг учта давлати — АҚШ, Канада ва Мексикада бўлиб ўтади. Карло Анчелотти бошчилигидаги Бразилия терма жамоаси гуруҳ босқичида Шотландия, Марокаш ва Гаити терма жамоаларига қарши майдонга тушади.
