"Реал" клуби собиқ футболчиси Эден Азар Мадрид жамоасида аввалроқ Криштиану Роналду тўп сурган 7-рақамни қандай қилиб олганини ёдга олди.
"Реал"да мен дастлаб Криштиану Роналдунинг еттинчи рақамини олишни истамагандим. Лука Модричнинг ўнинчи рақамини хоҳлагандим. У менга бу рақамни беришини кутгандим, лекин у ундай қилмади (кулади). Мен "Реал"га Роналдунинг ўрнини босиш учун келмагандим. Буни ОАВ ўйлаб топганди. Менинг услубим бошқача. Мен мавсумда 60 ёки 70 та гол урадиган футболчи эмасдим. Мен Роналдунинг ўрнини босиш учун эмас, Азар сифатида ўйнаш учун келгандим, бироқ тарих кўрсатдики, ҳаммаси биз кутгандек муваффақиятли чиқмади", – дея Азарнинг сўзларини келтиради The Touchline нашри.
Эден Азар 2019 йилда "Челси"дан "Реал"га суперюлдуз мақомида ўтган эди. Бироқ белгилиялик футболчи жароҳатлар сабабли Мадрид клубида ўз ўйинини кўрсата олмади.
