Миланнинг «Интер» клуби қанот ҳимоячиси Дензел Дюмфрисда Англия Премьер-лигаси топ-клубига ишга жойлашиш варианти пайдо бўлди. Бу ҳақда инсайдер Николо Скира ўз ижтимоий тармоқлари орқали хабар бермоқда.
Манбага маълум бўлишича, «Ливерпуль» раҳбарияти нидерландиялик латерални ёзги трансфер ойнасида ўз сафига қўшиб олиши мумкин. Дензелнинг меҳнат шартномасида 25 миллион евро миқдорида товон пули белгилаб қўйилган.
Дюмфрис 2021 йилнинг ёзидан буён Италия клуби шарафини ҳимоя қилиб келмоқда. Жорий мавсумда нидерландиялик футболчи «нерадзуррилар» сафида 28 та учрашувда майдонга тушиб, 5 та гол ва 2 та голли узатма билан ёдда қолди.
