«Арсенал» Премьер-лиганинг бир мавсумида бурчак зарбаларидан гол уриш бўйича ўз рекордини янгилади.
Кеча Микель Артета жамоаси АПЛнинг 37-турида «Бернли»ни 1:0 ҳисобида мағлуб этди. Ўйиндаги ягона гол 37-дақиқада Букайо Саканинг стандарт вазиятдан узатган тўпидан сўнг Кай Хавертц томонидан киритилди.
Бу «канонирлар»нинг жорий мавсумдаги бурчак зарбасидан урган 18-голи бўлди. Шу тариқа, улар мавсум давомида ўзлари ўрнатган рекордни яна бир бор янгиладилар. Аввалроқ чемпионат тарихида ҳеч бир жамоа бундай вазиятлардан 16 тадан ортиқ гол урмаган эди — бундай кўрсаткич 2023/24 йилги мавсумда «Арсенал»да, 2016/17 йилги мавсумда «Вест Бромвич»да ва 1992/93 йилги мавсумда «Олдхэм»да қайд этилган.













