«Манчестер Сити» бош мураббийи Пеп Гвардиола жорий мавсум якунида инглиз клубини тарк этгач, футболдан бир йиллик танаффус олишни режалаштирмоқда. Бу ҳақда инсайдер Санти Гонсалес Буэно хабар берди.

Манбанинг маълум қилишича, испаниялик 55 ёшли мутахассис Англиядаги ўн йиллик сермаҳсул ва босимга бой фаолиятдан сўнг руҳий ва жисмоний жиҳатдан ҳордиқ чиқаришни мақсад қилган. Шунингдек, Гвардиолага яқин бўлган доираларнинг фикрича, Пепнинг кейинчалик қайсидир клубда мураббийга айланиши «ҳақиқатдан йироқ».

Катта эҳтимол билан, Гвардиола клуб футболидаги фаолиятини бутунлай якунлаб, танаффусдан сўнг бирор бир миллий терма жамоани бошқариши ёки футбол тизимида бошқа ролни эгаллаши мумкин.

Эслатиб ўтамиз, Пеп Гвардиола 2016 йилдан буён «Манчестер Сити»ни бошқариб келмоқда ва ушбу давр ичида жамоа билан 20 та соврин, жумладан, 6 бор Премьер-лига чемпионлиги ва Чемпионлар лигаси бош совринини қўлга киритди.