Англия терма жамоаси собиқ ҳужумчиси Алан Ширер мураббий Хосеп Гвардиола «Манчестер Сити»дан кутилаётган кетишидан сўнг қачон яна ишга қайриши мумкинлиги борасида ўз тахминларини билдирди.
«Гвардиолани «Манчестер Сити»дан кейин нима кутмоқда? Дам олиш! Менимча, ҳаммаси худди аввалгидек бўлади: у бир йил давомида ҳордиқ чиқаради, шундан сўнг янги куч-қувват билан яна ишга киришади. Уни бирор бир терма жамоа бошқарувида тасаввур қила оламан. У ерда босим камроқ демаган бўлардим, аммо балки бунчалик зўриқиш бўлмас. Гвардиола учун бу янги чақирув бўлган бўларди», — дея Ширернинг сўзларини келтирмоқда Tribal Football.
Гвардиола «Манчестер Сити» билан биргаликда олти марта Англия чемпиони бўлди, уч марта мамлакат Кубогини, беш марта Англия лига Кубогини ва уч марта миллий Суперкубокни қўлга киритди. Халқаро майдонда эса мутахассис клубни УЕФА Чемпионлар Лигаси, УЕФА Суперкубоги ва клублар ўртасидаги жаҳон чемпионатида муваффақиятларга бошлаб келди. Бундан ташқари, мураббий «Барселона» ва «Бавария» клубларида ҳам фаолият юритган бўлиб, улар билан ҳам кўплаб совринларга эга чиққан.
