Ўзбекистон миллий терма жамоаси 3 сентябрь, сешанба куни «Жар» стадионида тўлиқ таркибда машғулотларни ўтказди.

Ўзбекистон миллий терма жамоаси 6 ва 10 сентябрь кунлари ЖЧ-2014 саралаш Осиё минтақаси плей-офф баҳслари доирасида Иорданияга қарши икки ўйинни ўтказади. Ушбу ўйинларга тайёргарликни 28 август куни бошлаган Миржалол Қосимов шогирдлари сешанба куни тўлиқ таркибда навбатдаги машғулотларни ўтказди. Иорданияга қарши ўйинлар учун терма жамоага жами 25 нафар футболчи жалб этилган.

Иорданияга қарши дастлабки ўйин 6 сентябрь куни Амманда ўтказилади – ушбу ўйинда иштирок этиш учун миллий терма жамоа 5 сентябрь куни чартер рейс билан Иорданияга учиб кетади. Жавоб ўйини 10 сентябрь куни Тошкентдаги «Пахтакор» марказий стадионида ўтказилади – ушбу ўйин чипталар 5 сентябрдан сотувга чиқарилади.

Қуйида Ўзбекистон миллий терма жамоасининг 3 сентябрь куни ўтказган машғулотларидан тайёрланган фоторепортаж билан танишишингиз мумкин. Суратлар муаллифи – Ҳасан Пирмуҳамедов (ЎФФ матбуот хизмати).