«Барселона» дарвозабони Жоан Гарсия «Реал» президенти Флорентино Переснинг Испаниядаги ҳакамлик борасида айтган гапларига муносабат билдирди.

Эслатиб ўтамиз, «Реал» президенти «Негрейра иши» ҳақида гапира туриб: «Барса» «Реал»дан адолатсиз устунликка эга бўлиш учун ҳакамлар ҳисоботларига пул тўлаган. Ўша ҳакамлар ҳали ҳам ишлашмоқда. Улар жорий мавсумда биздан 16-18 очкони тортиб олишди», — деб баёнот берган эди.

«Ла Лигани, ундаги барча ўйинларни кузатган ҳар қандай инсон бу гаплар ҳақиқатга тўғри келмаслигини яхши билади.

Биз хотиржаммиз ва «Эл-Класико»дан сўнг бизга топширилган [Ла Лига] кубогидан хурсандмиз», — деди Гарсия EFE ахборот агентлигига берган интервьюсида.

Маълумот учун, «Барселона» жорий мавсумда муддатидан олдин Испания чемпионига айланди — каталонияликлар ҳисобида 37 турдан сўнг 94 очко бор. 83 очко жамғарган «Реал Мадрид» эса мавсумни иккинчи ўринда якунлайди.