«Barselona» darvozaboni Joan Garsiya «Real» prezidenti Florentino Peresning Ispaniyadagi hakamlik borasida aytgan gaplariga munosabat bildirdi.

Eslatib o‘tamiz, «Real» prezidenti «Negreyra ishi» haqida gapira turib: «Barsa» «Real»dan adolatsiz ustunlikka ega bo‘lish uchun hakamlar hisobotlariga pul to‘lagan. O‘sha hakamlar hali ham ishlashmoqda. Ular joriy mavsumda bizdan 16-18 ochkoni tortib olishdi», — deb bayonot bergan edi.

«La Ligani, undagi barcha o‘yinlarni kuzatgan har qanday inson bu gaplar haqiqatga to‘g‘ri kelmasligini yaxshi biladi.

Biz xotirjammiz va «El-Klasiko»dan so‘ng bizga topshirilgan [La Liga] kubogidan xursandmiz», — dedi Garsiya EFE axborot agentligiga bergan intervyusida.

Ma’lumot uchun, «Barselona» joriy mavsumda muddatidan oldin Ispaniya chempioniga aylandi — kataloniyaliklar hisobida 37 turdan so‘ng 94 ochko bor. 83 ochko jamg‘argan «Real Madrid» esa mavsumni ikkinchi o‘rinda yakunlaydi.