Лондоннинг «Вест Хэм» клуби агар мавсум якунларига кўра АПЛдан тушиб кетадиган бўлса, тахминан 100 миллион фунт стерлинг (жорий курс бўйича 115 миллион евро) қийматидаги футболчиларини сотишига тўғри келади.
The Guardian нашрининг хабар беришича, клуб молиявий барқарорликни сақлаб қолиш ва молиявий фэйр-плей (ФФП) қоидаларини бузмаслик учун шундай қадам ташлашга мажбур бўлади.
Эслатиб ўтамиз, айни дамда «Вест Хэм» АПЛ турнир жадвалида 18-ўринни эгаллаб турибди ва 17-поғонадаги «Тоттенхэм»дан икки очкога ортда қолмоқда. Шу билан бирга, «болғачилар»нинг мавсумда атиги битта ўйини қолган, «Тоттенхэм»да эса иккита учрашув бор. Агар «шпорлар» сешанба куни бўлиб ўтадиган баҳсда «Челси»ни мағлуб этса, «Вест Хэм»ни муддатидан олдин қуйи дивизионга равона қилади.
