Италиялик мутахассис Энцо Мареска «Манчестер Сити» бош мураббийлиги лавозимида Хосеп Гвардиоланинг ўрнини эгаллашга тайёргарлик кўрмоқда. Бу тайинлов «Челси» клубининг компенсация (товон пули) олишини англатади, деб қайд этмоқда Goal.com нашри. Бироқ тўланиши керак бўлган аниқ сумма ҳозирча ошкор қилинмаяпти.
Агар томонлар ўзаро мос келувчи келишувга эриша олишмаса, «Челси» раҳбарияти масалани ҳуқуқий йўл билан ҳал қилишнинг турли вариантларини кўриб чиқмоқда. Мареска ва «Манчестер Сити» клубига яқин бўлган манбаларнинг таъкидлашича, мураббий ҳар қандай вазиятда ҳам ўз вазифасини бажаришга кириша олади.
Қайд этилишича, Маресканинг «Челси»дан кетганига қарамай, у билан тузилган шартнома ҳануз ҳуқуқий кучга эга. Айнан шу омил италиялик мураббийнинг собиқ клуби билан хайрлашиш учун йирик миқдордаги маблағдан воз кечишига сабаб бўлмоқда.
