Бўлажак Шимолий Америкадаги Жаҳон чемпионатида Неймар Бразилия терма жамоаси сардори бўлмайди, шунингдек, унга захира ўйинчиси роли ажратилган. Бу ҳақда Globo нашри ёзмоқда.

Манбанинг тушунтиришича, аввалроқ Бразилия терма жамоаси бош мураббийи Карло Анчелотти футболчи билан учрашган ва мутахассис учрашув давомида Неймарга унинг турнирдаги роли қандай бўлишини очиқ-ойдин тушунтириб берган.

Эслатиб ўтамиз, ҳозирда 34 ёшли Неймар ўзининг қадрдон клуби — «Сантос» шарафини ҳимоя қилмоқда. Жорий мавсум доирасида у аллақачон 6 та гол урди ва 2 та голли узатмани амалга оширди.

Бразилия терма жамоаси мундиалнинг гуруҳ босқичида Марокаш, Шотландия ва Гаити жамоаларига қарши майдонга тушади.