Bo‘lajak Shimoliy Amerikadagi Jahon chempionatida Neymar Braziliya terma jamoasi sardori bo‘lmaydi, shuningdek, unga zaxira o‘yinchisi roli ajratilgan. Bu haqda Globo nashri yozmoqda.
Manbaning tushuntirishicha, avvalroq Braziliya terma jamoasi bosh murabbiyi Karlo Anchelotti futbolchi bilan uchrashgan va mutaxassis uchrashuv davomida Neymarga uning turnirdagi roli qanday bo‘lishini ochiq-oydin tushuntirib bergan.
Eslatib o‘tamiz, hozirda 34 yoshli Neymar o‘zining qadrdon klubi — «Santos» sharafini himoya qilmoqda. Joriy mavsum doirasida u allaqachon 6 ta gol urdi va 2 ta golli uzatmani amalga oshirdi.
Braziliya terma jamoasi mundialning guruh bosqichida Marokash, Shotlandiya va Gaiti jamoalariga qarshi maydonga tushadi.













