«Челси» АПЛда март ойининг бошидан бери давом этиб келаётган ғалабасиз сериясига чек қўйди.

Бугун «кўклар» Премьер-лиганинг 37-тури доирасидаги ўз уй учрашувида «Тоттенхэм»ни мағлубиятга учратди (2:1).

Бунга қадар «Челси» АПЛда кетма-кет 6 та ўйинда мағлуб бўлган ва «Ливерпуль» билан дуранг ўйнаган эди (1:1). Жамоа 4 мартдан буён ғалаба қозона олмаётганди — ўшанда лондонликлар «Астон Вилла»дан устун келишганди (4:1).

Ҳозирда «Челси» 52 очко жамғарган ҳолда АПЛ турнир жадвалида 8-ўринни эгаллаб турибди. 24 май куни жамоа чемпионатнинг сўнгги турида «Сандерленд»га қарши майдонга тушади.