Лондоннинг «Челси» клуби ҳужумчиси Лиам Делап ўзining «қуруқ» (голсиз) сериясини узайтирди. 23 ёшли футболчи «Тоттенхэм»га қарши учрашувда «кўклар»нинг старт таркибида майдонга тушди ва жамоасининг ғалабасига (2:1) ҳисса қўшди, бироқ рақиб дарвозасини яна ишғол эта олмади.

Ҳужумчининг голсиз серияси барча турнирларни ҳисобга олганда аллақачон 25 та ўйинга етди.

Инглиз футболчиси охирги марта бундан тўрт ойдан кўпроқ вақт олдин — январь ойи бошида бўлиб ўтган «Фулхэм» билан учрашувда рақиб дарвозасини ишғол қилган эди.

Лиам Делап ўтган йилнинг ёзида «Ипсвич» клубидан 35,5 миллион евро эвазига «Челси»га кўчиб ўтганди. Кўплаб миш-мишларга кўра, жорий мавсум футболчи учун лондонликлар сафидаги ягона мавсум бўлиб қолиши мумкин. 24 май куни «Челси» АПЛнинг сўнгги тури доирасида сафарда «Сандерленд»га қарши майдонга тушади.