«Манчестер Сити» ҳужумчиси Эрлинг Холанд «Арсенал»нинг Премьер-лигада муддатидан олдин чемпион бўлгани ҳақида фикр билдирди. «Канонирлар» маррага бир тур қолганда «шаҳарликлар»нинг очко йўқотиши эвазига чемпионликни қўлга киритишди: Хосеп Гвардиола шогирдлари сешанба куни «Борнмут» билан дуранг (1:1) ўйнашди.

«Энг кўп очко жамғарган жамоа титулга лойиқ бўлади, шу боис Мартин Эдегорни табриклайман. Бу мутлақо ҳаққоний ғалаба. У ушбу совринга лойиқ эди. Унинг бош совринни боши устига кўтараётганини томоша қилиш мен учун оғир бўлади, аммо норвегиялик футболчининг АПЛ ғолибига айлангани — ажойиб воқелик», – дея «олчалар» билан ўйин сўнггида гол урган Холанднинг сўзларидан иқтибос келтиради DailyAFC.

«Арсенал» 2004 йилдан буён илк бор Англия чемпионатида ғолиб чиқди.