"Ливерпуль" ва "Тоттенхэм"нинг собиқ футболчиси Дэнни Мёрфи Хаби Алонсонинг "Челси" бош мураббийи этиб тайинланиши ҳақида ўз фикрлари билан ўртоқлашди.
"Хаби Алонсо "Байер"да ажойиб ишни амалга оширди, у жуда ақлли инсон. У "Челси" мухлислари кўришни истаган футбол услубини жорий қилади, футболчиларга ҳам у билан ишлаш ёқади. Бу ривожланаётган клуб учун мантиқий қарор бўлди. Бироқ "Челси" учун энг муҳими — аслида кимни мураббий этиб тайинлашганида эмас, балки трансфер сиёсатидаги тактикани ўзгартиришдир. Чунки агар улар таркибга бироз тажриба ва кўпроқ билимга эга ўйинчиларни қўшиб олишмаса, барибир худди шундай натижани кўраверишади", — дея Мёрфининг сўзларидан иқтибос келтиради BBC нашри.
Эслатиб ўтамиз, Хаби Алонсо "Челси" билан 2030 йилнинг ёзига қадар мўлжалланган шартнома имзолади. Испаниялик мутахассис иш бошлашга июль ойи бошида киришади.
