"Челси" ярим ҳимоячиси Андрей Сантос Хаби Алонсонинг лондонликлар янги бош мураббийи этиб тайинлангани ҳақида ўз фикрини билдирди.
"Хаби Алонсо — топ-мураббий ва футбол афсонаси. У мен билан бир хил позицияда ўйнаган, шунинг учун мен жуда кўп меҳнат қилишим керак. Мавсумни яхши кайфиятда якунлаш учун қаттиқ ишлаймиз, ёзда эса кейин нима бўлишини кўриб оламиз", — дея Сантоснинг сўзларидан иқтибос келтиради "Челси" расмий сайти.
Андрей Сантос 2023 йилда "Васко да Гама"дан "Челси"га 12 миллион евро эвазига ўтган эди. Унинг лондонликлар билан шартномаси 2030 йилнинг 30 июнига қадар мўлжалланган. Жорий мавсумда бразилиялик футболчи "кўклар" сафинда барча турнирларда 43 та учрашувда майдонга тушиб, 3 та гол урди ва 4 та голли узатмани амалга оширди.
