Ҳимоячи Антонио Рюдигернинг келажаги борасидаги масала ҳали ёпилгани йўқ. Журналист Марио Кортегананинг хабар беришича, Рюдигер "Реал" билан шартномани узайтириш бўйича ҳали келишувга эришмаган. Вазият мавҳумлигича қолаётгани қайд этилмоқда — Рюдигернинг келажагига бағишланган учрашувлар кейинги ҳафтада бўлиб ўтиши мумкин.
Антонио Рюдигернинг "Реал" билан амалдаги шартномаси шу июнь ойининг охиригача мўлжалланган. Аввалроқ матбуотда германиялик футболчи битимни яна бир мавсумга узайтиришга келишиб олгани ҳақида ёзилган эди. Кўринишидан, айрим инсайдерлар воқеаларни тезлаштириб юборишган.
Рюдигер "Реал" либосида 182 та учрашувда майдонга тушиб, ўз ҳисобига 8 та гол ва 4 та голли узатмани ёздириб қўйган.
