Испания терма жамоаси бош мураббийи Луис де ла Фуэнте «Реал» клубида етарли ўйин амалиётига эга бўлмаётган ҳимоячи Даниэль Карвахаль ҳақидаги фикрлари билан ўртоқлашди.

Аввалроқ, 34 ёшли футболчи терма жамоанинг ЖЧ-2026 учун қайдномасига киритилмаслиги ҳақида маълумотлар пайдо бўлган эди.

«Дани — ажойиб сардор. У барчамиз учун намунадир. Ҳозир у фаолиятидаги қийин даврни бошдан кечирмоқда.

Мен у кўпроқ ўйин амалиётига эга бўлишини, майдонга тушиб, ўзининг футболчилик қобилияти ва салоҳиятини намойиш этишини хоҳлардим.

Футболчиларнинг жаҳон чемпионатига бориши ёки бормаслиги ҳақида мен ҳамиша адолатли қарор қабул қиламан.

Умид қиламанки, Дани яна ўйнай бошлайди, бироқ айни дамда у жаҳон чемпионатида майдонга тушишга тайёр эмас. У яна футболдан завқ ола бошлашига ишонаман. Инсонийлик — ҳамма нарсадан устун», — деди Луис де ла Фуэнте.