«Манчестер Сити» футболчиси Савио ёзги трансфер ойнасида клубни тарк этиши мумкин. Англия гранди раҳбарияти доимий ўйин амалиётига эга бўлмаётган бразилиялик футболчи билан хайрлашишга тайёр.
The Touchline нашрининг ESPN порталига таяниб хабар беришича, агар 22 ёшли вингер учун 50-60 миллион евро миқдорида таклиф тушса, «шаҳарликлар» уни қўйиб юборишади. Ўтган йили «Тоттенхэм» Савиони ўз сафига қўшиб олишга уриниб кўрган эди, бироқ ўшанда «Манчестер Сити» уни сотишни рад этганди.
Transfermarkt портали томонидан 40 миллион еврога баҳоланган футболчи жорий мавсумда Хосеп Гвардиола жамоаси сафида барча турнирларда 35 та учрашувда майдонга тушиб, ўз ҳисобига 4 та гол ва 3 та голли узатмани ёздириб қўйди.
