Нуфузли инсайдер Фабрицио Романо ярим ҳимоячи Родрининг «Реал» билан боғланаётгани ҳақидаги миш-мишлар бўйича маълумот берди. Романонинг хабар қилишича, 29 ёшли Родри «Реал Мадрид»га ўтишни истайди. Футболчи Мадридга кўчиб ўтишга тайёр, бироқ бу ерда бир муаммо бор — Мадрид клуби ярим ҳимоячининг трансфери учун кўп пул сарфлашни хоҳламаяпти.
Бунга Родрининг «Манчестер Сити» билан амалдаги шартномаси 2027 йилнинг ўртасига қадар мўлжаллангани сабаб бўлмоқда. Яъни, агар у шартномасини узайтирмаса, бир йилдан кейин Родрини эркин агент сифатида текинга қўлга киритиш имконияти туғилади.
Transfermarkt портали Родрини 65 миллион еврога баҳоламоқда. Эслатиб ўтамиз, испаниялик футболчи 2024 йилда «Олтин тўп» совринини қўлга киритган эди.
