Франциянинг «ПСЖ» клуби «Порту» дарвозабони Диогу Коштанинг трансферига қизиқиш билдирмоқда. Португалиялик посбон жамоада ёзги трансфер ойнасида клубини ўзгартиришга яқин турган Люка Шевальенинг ўрнини эгаллаши мумкин.
«Yahoo Sports» журналистларининг хабар беришича, Коштанинг эҳтимолий трансфери фонида парижликлар Матвей Сафоновнинг келажаги борасида бир қарорга келишди. Франция чемпионлари россиялик дарвозабонни жамоада сақлаб қолмоқчи. Клуб раҳбарияти голкипернинг якунланиб бораётган мавсумдаги ўйин даражасидан тўлиқ қониқиш ҳосил қилган.
Жорий мавсумда Матвей «ПСЖ» сафинда 26 та учрашувда майдонга тушди. Россиялик посбон ўз дарвозасидан 27 та гол ўтказиб юборди ва 12 та ўйинда дарвозаси дахлсизлигини сақлаб қолди.
