«ПСЖ» ўнг қанот ҳимоячиси Ашраф Ҳакимий ўзининг собиқ клуби — Миланнинг «Интер» жамосаси эришаётган муваффақиятлар ҳақида гапирди.
«Нерадзуррилар» ўтган йилнинг ёзида Симоне Индзагининг ўрнини эгаллаган Кристиан Киву қўл остидаги дебют мавсумидаёқ А Серия ва Италия Кубоги ғолибига айланди.
«Мен «Интер»га мухлислик қиламан, шу сабабли жамоанинг А Серия ва Италия Кубогида зафар қучганидан жуда хурсандман. Умид қиламанки, улар шу руҳда давом этишади ва тез орада биз яна кўришамиз», — дея «Sky Sport» билан суҳбатда таъкидлади марокашлик футболчи.
Ашраф Ҳакимий 2020 йилдан 2021 йилгача «Интер» шарафини ҳимоя қилган, шундан сўнг 68 миллион евро эвазига «ПСЖ»га кўчиб ўтган эди. Эслатиб ўтамиз, 30 май куни Луис Энрике жамоаси Чемпионлар лигаси финалида «Арсенал» билан тўқнашади.
