«Барселона» ҳимоячиси Эрик Гарсия Ламин Ямал билан бирга ўйнашнинг ўзига хос хусусиятлари ҳақида гапириб берди. 25 ёшли футболчи ёш вингер билан бир қанотда ҳаракат қилиш унга жуда қулай эканлигини тан олди.

«Ламин рақиб ҳимоячиси билан бирга-бир вазиятда қолганида, мен деярли ҳеч қачон олдинга ўтмайман, чунки уни барибир алдаб ўтишини биламан. Аммо унга қарши икки ёки уч киши бўлиб ҳаракат қилишса, ҳужумда сон жиҳатдан устунликни таъминлаш учун мен ҳам олдинга қўшилишим керак бўлади. Ламиннинг майдонда қарор қабул қилиш қобилияти — бу шунчаки ақл бовар қилмас даража. У муайян вазиятда нима энг тўғри қарор эканлигини ҳамиша кўра олади, шу сабабли менга фақат унга мослашиш ва унинг порлашига кўмаклашиш қолади, холос. У машғулотларда шундай ишларни амалга оширадики, бунга ишониш қийин», — дея Гарсиянинг сўзларини келтирмоқда Испания ОАВлари.

Эслатиб ўтамиз, Ламин Ямал жароҳати сабабли мавсумнинг якуний қисмини ўтказиб юбормоқда.