«Манчестер Сити» ярим ҳимоячиси Бернарду Силва ўз келажаги борасида бир қарорга келди. La Gazzetta dello Sport нашрининг хабарига кўра, португалиялик футболчи «Ювентус»га ўтишдан бош тортган ва Турин клуби билан шартнома имзоламайди.
Бунинг ўрнига ярим ҳимоячи фаолиятини Испанияда давом эттиришга қарор қилди. Испания клублари ичида Силвани сотиб олишга «Барселона», «Реал» ва «Атлетико» қизиқиш билдирмоқда.
Бернарду Силва 2017 йилда «Монако»дан «Манчестер Сити»га 50 миллион евро эвазига ўтган эди. Унинг шартномаси 2026 йил 30 июнгача мўлжалланган. Жорий мавсумда ярим ҳимоячи «шаҳарликлар» сафида барча турнирларда 52 та ўйин ўтказиб, 3 та гол урди ва 5 та голли узатмани амалга оширди.
