Бразилиялик ҳимоячи Тьяго Силва расман «Порту»ни тарк этди. 41 ёшли футболчининг кетгани ҳақида Португалия клуби матбуот хизмати хабар берди.
«Аждарҳолар» баёнотида фахрий футболчининг шартномаси ўз ниҳоясига етгани ва ўйинчи жамоадаги фаолиятининг иккинчи босқичини якунлагани қайд этилди. Силва илк бор «Порту» тизимига 2004 йилда келган ва ўшанда клубнинг захира жамоасида тўп сурган эди. Иккинчи ташрифи давомида эса ҳимоячи жамоага Португалия чемпиони бўлишда ёрдам берди.
Якунланган мавсумда футболчи «Порту» таркибида 14 та ўйинда майдонга тушди. Аввалроқ ҳимоячи «ПСЖ», «Челси», «Милан» ва бир қатор бошқа жамоалар шарафини ҳам ҳимоя қилган.
