А Серияда сўнгги тур ўйинлари ҳали олдинда бўлса-да, май ойининг энг яхши футболчиси номи аниқланди. Ушбу совринни «Интер» ҳужумчиси Лаутаро Мартинес қўлга киритди. Бу ҳақда А Серия матбуот хизмати хабар бермоқда.
Италия чемпионатининг май ойида ўтказилган учта учрашувида Лаутаро Мартинес ўз ҳисобига битта гол ва иккита голли узатмани ёздириб қўйди.
Маълумки, май ойи бошида «Интер» муддатидан аввал Италия чемпионига айланган эди. «Нерадзуррилар» А Сериянинг сўнгги турида сафарда «Болонья»га қарши майдонга тушадилар. Ўйин 23 май куни Тошкент вақти билан 21:00да бошланади.
Лаутаро Мартинеснинг «Интер» билан амалдаги шартномаси 2029 йилнинг ўрталаригача мўлжалланган.
