«Челси» собиқ мураббийи Энцо Мареска агар Хосеп Гвардиола шу ёзда жамоани тарк этса, «Манчестер Сити» бош мураббийлигига асосий номзод бўлиб турибди.

Журналист Саймон Филлипснинг маълумотларига кўра, италиялик мутахассис «кўклар» ҳимоячиси Марк Кукурелья билан суҳбатлашган. Мареска агар «шаҳарликлар» бошқарувини қўлга олса, испаниялик футболчини шу ёзда «Манчестер Сити»га ўтишга кўндиришга ҳаракат қилмоқда.

Жорий мавсумда Марк Кукурелья «Челси» сафида 49 та ўйинда майдонга тушиб, 1 та гол урди ва 4 та голли узатмани амалга оширди. Унинг Лондон клуби билан шартномаси 2028 йилнинг ёзигача мўлжалланган.