«Манчестер Юнайтед» «Аталанта» футболчиси Эдерсонга қизиқиш билдиришда давом этмоқда. Бу ҳақда журналист Фабрицио Романо хабар берди.

Манба берган маълумотларга кўра, яқин кунларда томонлар бразилиялик футболчининг эҳтимолий трансфери бўйича янги музокаралар ўтказишади. Ярим ҳимоячи инглиз клубининг марказий чизиғини кучайтириш учун номзодлар рўйхатига киритилган, бироқ у манкунианликлар учун ягона вариант эмас.

Қайд этилишича, Эдерсоннинг ўзи трансферга тайёр. Ўз навбатида, «Аталанта» футболчи учун тахминан 45 миллион евро олишни кутмоқда.

26 ёшли ярим ҳимоячи А Сериянинг ушбу мавсумида 30 та ўйинда майдонга тушиб, иккита гол урди ва битта голли узатмани амалга оширди. Унинг шартномаси 2027 йилгача мўлжалланган бўлиб, бозор қиймати 40 миллион еврога баҳоланмоқда.