41 ёшли Тиаго Силва «Милан»дан шартнома таклифини олди. Марказий ҳимоячи яна «Милан»га қайтиши мумкин.
Бугун 41 ёшли бразилиялик «Порту»ни тарк этди — клуб у билан шартномани узайтирмади. ESPN Brasil берган маълумотларга кўра, Тиаго «Милан»дан бир мавсумга, яъни 2027 йилнинг июнигача мўлжалланган шартнома имзолаш ва фаолиятини ўзи 2009 йилдан 2012 йилгача тўп тепган клубда якунлаш таклифини олган.
Шу билан бирга, агар футболчи шу ёзда фаолиятини якунлашга қарор қилса, унда ўзи 2020 йилдан 2024 йилгача ўйнаган «Челси» клуби тузилмасида ишлаш бўйича таклиф мавжуд.
Силва Португалия чемпионатининг ушбу мавсумида 8 та ўйинда майдонга тушди.
