41 yoshli Tiago Silva «Milan»dan shartnoma taklifini oldi. Markaziy himoyachi yana «Milan»ga qaytishi mumkin.
Bugun 41 yoshli braziliyalik «Portu»ni tark etdi — klub u bilan shartnomani uzaytirmadi. ESPN Brasil bergan ma’lumotlarga ko‘ra, Tiago «Milan»dan bir mavsumga, ya’ni 2027 yilning iyunigacha mo‘ljallangan shartnoma imzolash va faoliyatini o‘zi 2009 yildan 2012 yilgacha to‘p tepgan klubda yakunlash taklifini olgan.
Shu bilan birga, agar futbolchi shu yozda faoliyatini yakunlashga qaror qilsa, unda o‘zi 2020 yildan 2024 yilgacha o‘ynagan «Chelsi» klubi tuzilmasida ishlash bo‘yicha taklif mavjud.
Silva Portugaliya chempionatining ushbu mavsumida 8 ta o‘yinda maydonga tushdi.
