Лондоннинг «Арсенал» клуби италиялик ҳимоячиси Рикардо Калафьори жамоа бош мураббийи Микель Артетанинг қайси жиҳатлари унда катта таассурот қолдиргани ҳақида гапириб берди.

Артета аллақачон Лондон клубини мамлакат чемпионлиги сари бошлаб келди, бироқ олдинда ҳали Европанинг энг нуфузли клублар турнири — Чемпионлар лигасида ҳам ғолиб чиқиш имконияти мавжуд.

«Менимча, менда илгари ҳеч қачон ўзини мукаммаллаштиришга бу қадар кучли хоҳиши бўлган мураббий бўлмаган. У бу иштиёқни футболчиларга ҳам юқтиришни билади. Натижада биз ҳам ўсишга эришяпмиз, буни ўз мисолимда айта оламан.

Бироқ Артета билан ишлаш шундай — баъзан уни яхши кўрасан, баъзан эса ундан нафратланасан. Аслида ҳам шундай бўлиши керак», — дея Калафьорининг сўзларидан иқтибос келтирмоқда «derbyderbyderby.it» портали.

Эслатиб ўтамиз, Микель Артета 2019 йилдан буён Лондон клубида бош мураббий сифатида фаолият юритиб келмоқда.