«Барселона» клуби ҳужумчи позициясини кучайтириш учун каттагина маблағ сарфлашга тайёр. Роберт Левандовски жамоани эркин агент сифатида тарк этади, унинг ўрнига эса, чамаси, қимматбаҳо футболчи сотиб олинади.
«Mundo Deportivo» нашри тарқатган маълумотларга кўра, Каталония гранди раҳбарияти янги форвард трансфери учун тахминан 100 миллион евро ажратади. Аввалроқ хабар берилганидек, «кўк-анорранглилар»нинг бош мақсадлари сифатида мос равишда «Атлетико», «Челси» ва «Бавария» шарафини ҳимоя қилаётган Хулиан Альварес, Жоао Педро ва Харри Кейн кўрилмоқда.
«Барса»нинг 100 миллион евро ёки ундан кўпроқ суммага амалга оширган сўнгги хариди 2019 йилга тўғри келади — ўшанда Мадриднинг «Атлетико» клубидан 120 миллион евро эвазига Антуан Гризманн сотиб олинган ва кейинчалик у яна «матрасчилар» лагерига қайтган эди.
