Италиялик мутахассис Маурицио Сарри Римнинг «Лацио» клубини тарк этишга яқин турибди. Мураббий фаолиятини А Сериянинг бошқа бир жамоасида давом эттириши мумкин.
Таниқли футбол инсайдери Николо Скиранинг хабар беришича, 67 ёшли устоз катта эҳтимол билан «Аталанта» бошқарувини ўз қўлига олади. Томонлар ўртасидаги музокаралар якуний босқичда турибди. Саррининг бергамоликлар билан тузадиган меҳнат шартномаси 2029 йилга қадар мўлжалланади. Мураббийнинг янги клубдаги йиллик маоши 3,5 миллион еврони ташкил этади.
Италия чемпионатининг сўнгги тури олдидан «Аталанта» ўз ҳисобидаги 58 очко билан турнир жадвалида еттинчи ўринни эгаллаб турибди. Бугун, 22 май куни бергамоликлар сафарда «Фиорентина» меҳмони бўлишади.
