Мадриднинг «Реал» клуби бош мураббийи Альваро Арбелоа 23 май куни «қаймоқранглилар» сафида ўзининг сўнгги ўйинини ўтказадиган Даниэль Карвахаль ҳақида фикр билдирди.

«Карвахаль — «Реал» футболчиси қандай бўлиши кераклигига мисол. У ўзига хос ва такрорланмас. Бу барча учун унга ҳурмат бажо келтириш учун ажойиб кун бўлади. У ўйинни илк дақиқалардан бошлайди ва ишончим комилки, мен уни алмаштирган пайтимда ҳамма унга эҳтиром кўрсатиш учун ўрнидан туради. Ўтмишга назар ташлар экан, у қилган ишларидан жуда фахрланади», — деди Арбелоа матбуот анжуманида.

Аввалроқ 34 ёшли Карвахаль жорий мавсум якунланганидан кейин «Реал»ни тарк этиши маълум бўлган эди. Миш-мишларга кўра, футболчи ўртадаги зиддият туфайли Арбелоани хайрлашув кечки овқатига таклиф қилмаган.