Madridning «Real» klubi bosh murabbiyi Alvaro Arbeloa 23 may kuni «qaymoqranglilar» safida o‘zining so‘nggi o‘yinini o‘tkazadigan Daniel Karvaxal haqida fikr bildirdi.
«Karvaxal — «Real» futbolchisi qanday bo‘lishi kerakligiga misol. U o‘ziga xos va takrorlanmas. Bu barcha uchun unga hurmat bajo keltirish uchun ajoyib kun bo‘ladi. U o‘yinni ilk daqiqalardan boshlaydi va ishonchim komilki, men uni almashtirgan paytimda hamma unga ehtirom ko‘rsatish uchun o‘rnidan turadi. O‘tmishga nazar tashlar ekan, u qilgan ishlaridan juda faxrlanadi», — dedi Arbeloa matbuot anjumanida.
Avvalroq 34 yoshli Karvaxal joriy mavsum yakunlanganidan keyin «Real»ni tark etishi ma’lum bo‘lgan edi. Mish-mishlarga ko‘ra, futbolchi o‘rtadagi ziddiyat tufayli Arbeloani xayrlashuv kechki ovqatiga taklif qilmagan.
