«Манчестер Сити» клуби бош мураббий Пеп Гвардиоланинг жамоани тарк этишини расман эълон қилди.
Испаниялик мутахассис Англия чемпионати якунланганидан сўнг истеъфога чиқишга қарор қилгани ҳақидаги маълумотлар душанба куни пайдо бўлган эди. Хабарларга кўра, «Сити» бошқарувида Гвардиоланинг ўрнини Энцо Мареска эгаллайди.
Хосеп Гвардиола 2016 йилдан буён «Манчестер Сити» клубини бошқариб келаётган эди. Унинг қўл остида жамоа жами 20 та совринни қўлга киритди. «Шаҳарликлар» 6 марта Англия чемпионига айланишди, 3 мартадан Англия Кубоги ва Суперкубогида зафар қучишди ҳамда 5 бор Англия лига Кубоги соҳибига айланишди.
Халқаро майдонда эса «Манчестер Сити» Гвардиола бошқарувида Чемпионлар лигаси, УЕФА Суперкубоги ва клублар ўртасидаги Жаҳон чемпионати бош совринларига эга чиқди.
