«Барселона» ярим ҳимоячиси Марк Касадо захирада қолаётганидан норози, шу сабабли ёзги трансферлар ойнасида жамоадан кетиш имкониятини кўриб чиқмоқда.
Diario Sport хабарига кўра, бош мураббий Ханс-Дитер Флик ярим ҳимоячи билан суҳбат ўтказиб, Педри, Френки де Йонг, Гави ва Марк Берналь нима учун ундан устунроқ кўрилаётганини тушунтирган. Касадо немис мутахассисининг очиқлигини қадрлаган.
Клуб 22 ёшли футболчини олиб қолишга тайёр ва уни сотишга ундамайди. Марк Касадонинг тақдири ўзига боғлиқ — агар у трансфер сўрамаса, жамоадан кетмайди.
Келаси бир неча ҳафта ичида испаниялик футболчининг агентлари «Барселона» спорт директори Деку билан келажакни муҳокама қилиш учун учрашув ўтказади.
