Кеча Туриннинг «Ювентус» клуби охирги марта Лига чемпионларида ғолиб чиққанига 30 йил тўлди, бу воқеа 1996 йилда содир бўлган эди. Ўша жамоа аъзоси Алессио Таккинарди клубнинг ҳозирги муаммолари ҳақида ўз фикри билан ўртоқлашди. Унинг фикрича, «Ювентус»нинг ҳозирги футболчилари 20-асрда клубни ажратиб турган ғолиблик ДНКсини йўқотишган.
«Ювентус» ғолиблик динамикасини йўқотди. Нима ҳақида гапираётганимни тушунган охирги инсон Антонио Конте эди. Бугунги кунда ғалаба қозониш — футболчиларни қизиқтирадиган асосий нарса эмас. Умуман олганда, қандай қилиб тўртинчи ўриндан мамнун бўлиш мумкин?», — дея Таккинардининг сўзларидан иқтибос келтиради derbyderbyderby.it.
Эслатиб ўтамиз, Таккинарди Турин клубини 2007 йилда тарк этган эди.
