«Ливерпуль» бош мураббийи Арне Слот «Арсенал»нинг Премьер-лигадаги муддатидан олдин қўлга киритилган чемпионлиги ҳақида фикр билдирди.
«Арсенал»ни чемпионлик билан табриклайман – Микель Артета ва унинг штаби улкан ҳажмдаги ишни амалга оширди.
Аммо бу сафарги чемпионлик олдингиларидан фарқ қилади. Сўнгги йилларда олтинни бошқа жамоалар қўлга киритаётган эди. 30 йил ичида илк бор чемпион жамоа ўз голларининг 40 фоизини стандарт вазиятлардан киритди.
Менимча, Луис Энрике «Арсенал»ни тўпсиз ўйин борасида лигамиздаги энг яхши жамоа деб айтганди, лекин менимча, улар нафақат лигада, балки Европада ҳам энг яхшиси. Шундай экан, футбол ўзгарди ва биз кейинги мавсумда ўз услубимиз билан «Арсенал» ҳамда «Манчестер Сити»га яна рақобат туғдира олишимизга ишонч ҳосил қилишимиз керак. Тўғри мувозанатни топиш, футбол ўзгараётгани ва ривожланаётганини тушуниш лозим», — деди Слот.
2024/25 йилги мавсумда чемпион бўлган «Ливерпуль» сўнгги тур олдидан АПЛ турнир жадвалида 5-ўринни эгаллаб турибди.
