«Арсенал» ҳужумчиси Габриэл Жезус жамоанинг бу мавсумда кўп голларини стандарт вазиятларга таяниб ургани ҳақида ўз фикрини билдирди.
«Ростини айтсам, ҳаваскор лигаларда ўйнаб ўсган бразилиялик сифатида, стандарт вазиятлардан фойдаланиш масаласи мени бироз ташвишга солади, лекин бу футболнинг бир қисми.
Биз фақат стандартлардан гол урганимиз йўқ. Майли, улардан кўп фойдаландик, лекин бу бизнинг махфий қуролимиз. У ҳам ҳужумда, ҳам ҳимояда катта фарқ қилади, чунки Премьер-лигада жисмоний ҳолат жуда муҳим.
Бошқа жамоалар ҳам стандартлардан фойдаланишади. Ўтган йили «Ливерпуль» чемпион бўлганида улар ҳам стандартлардан кўп гол уришганди. Бизчалик кўп бўлмаса-да, лекин уришган. Шунинг учун бу мени у қадар қаттиқ безовта қилмайди. Лекин, биласизми, ҳаваскор футболда ўсган бразилиялик сифатида, қалбимнинг тубида...» — деди Жезус.
