Марк-Андре тер Штеген бир мавсум давомида икки хил клуб сафида ҳам Испания чемпиони бўлишга, ҳам қуйи дивизионга равона бўлишга «муваффақ» бўлди.
Германиялик дарвозабон чемпионатнинг биринчи ярмини Ла Лигада олтин медалларни қўлга киритган «Барселона» таркибида ўтказди.
Қишда эса «Жирона» посбонни «кўк-анорранглилар»дан ижарага олди. Жамоа якунда 19-ўринни эгаллаб, Сегундага тушиб кетди.
Тер Штеген «Жирона» сафида январь ойида иккита ўйинда майдонга тушди ва шундан сўнг жароҳат туфайли мавсум охиригача сафдан чиқди.
