«Бавария» ярим ҳимоячиси Луис Диас ўзининг босиб ўтган йўли ва болаликдаги орзулари ҳақида гапириб берди.

Touqe Sport нашрига берган интервьюсида Диас шундай деди: «Болалигингда Худодан орзуингни рўёбга чиқаришини, профессионал футболчи ва ўз юртингдаги энг яхшилардан бири бўлишни сўрайсан. Аммо бунчалик юқори чўққига чиқишингни ҳеч қачон тасаввур қилмайсан. Биз кўпинча ютуқларимизни одатий ҳолдек қабул қиламиз, лекин баъзида тўхтаб, «Мен буни уддаладим» деб айтиш керак», — деди футболчи.

Эслатиб ўтамиз, Луис Диас 2025 йилда «Ливерпуль»дан 70 миллион евро эвазига «Бавария» сафига ўтган эди. Унинг мюнхенликлар билан тузган шартномаси 2029 йилнинг 30 июнига қадар мўлжалланган. Вингер жорий мавсумда «Бавария» либосида барча турнирларда 51 та ўйинда майдонга тушиб, 26 та гол урди ва 23 та голли узатмани ўз ҳисобига ёздириб қўйди.