Лиссабоннинг «Спортинг» клуби сардори Мортен Юльманн ўзининг Мадриднинг «Реал» клубига ўтиши мумкинлиги ҳақидаги хабарларга изоҳ берди. ОАВда тарқалган гап-сўзларга кўра, 26 ёшли даниялик ярим ҳимоячини харид қилиш ғоясини «қаймоқранглилар»нинг бўлажак бош мураббийи Жозе Моуриньо илгари сурмоқда (ҳозирча у расман «Бенфика»ни тарк этмаган).

«Мени «Реал» билан боғлашлари жуда ёқимли, аммо ҳозир мен «Спортинг»даман ва ўз клубимни севаман. Барча эътиборимни бўлажак ўйинга қаратганман. Келажак ҳақида эса ўйиндан кейин гаплашамиз», — дея Юльманннинг сўзларини келтирмоқда Madrid Zone.

Бугун «шерлар» Португалия Кубоги финалида «Торренше» билан куч синашади. Учрашув Тошкент вақти билан соат 21:15 да бошланиши режалаштирилган.