Lissabonning «Sporting» klubi sardori Morten Yulmann o‘zining Madridning «Real» klubiga o‘tishi mumkinligi haqidagi xabarlarga izoh berdi. OAVda tarqalgan gap-so‘zlarga ko‘ra, 26 yoshli daniyalik yarim himoyachini xarid qilish g‘oyasini «qaymoqranglilar»ning bo‘lajak bosh murabbiyi Joze Mourinyo ilgari surmoqda (hozircha u rasman «Benfika»ni tark etmagan).
«Meni «Real» bilan bog‘lashlari juda yoqimli, ammo hozir men «Sporting»daman va o‘z klubimni sevaman. Barcha e’tiborimni bo‘lajak o‘yinga qaratganman. Kelajak haqida esa o‘yindan keyin gaplashamiz», — deya Yulmannning so‘zlarini keltirmoqda Madrid Zone.
Bugun «sherlar» Portugaliya Kubogi finalida «Torrenshe» bilan kuch sinashadi. Uchrashuv Toshkent vaqti bilan soat 21:15 da boshlanishi rejalashtirilgan.
