Ҳужумчи Рафаэл Леау ёзги трансферлар ойнасида «Милан»ни тарк этиши мумкин. Журналист Экрем Конурнинг маълум қилишича, португалиялик футболчига «Манчестер Юнайтед» ва «Фенербахче» клублари қизиқиш билдирмоқда.
Туркия клуби португалиялик футболчини ўз сафига қўшиб олиш учун курашга қўшилган бўлса-да, унинг катта маоши трансферни амалга оширишда асосий тўсиқ бўлиши мумкин. Ўз навбатида, футболчининг ўзи аввалроқ унга қизиқиш билдирган «Барселона»дан расмий таклиф кутмоқда.
Рафаэл Леау «Милан»га 2019 йилда «Лилль»дан 49 миллион евро эвазига ўтган эди. Унинг «россонерилар» билан амалдаги шартномаси 2028 йилнинг 30 июнигача мўлжалланган. Жорий мавсумда ҳужумчи жамоа сафида барча мусобақаларда 30 та ўйинда майдонга тушиб, 10 та гол ва 3 та голли узатмага муаллифлик қилди.
