«Реал» президенти лавозимига номзод Энрике Рикельме клубнинг расмий телеканали фаолиятига нисбатан кескин фикр билдирди.

– «Реал Мадрид» ТВ ҳақида нима деб ўйлайсиз?

«Реал» ТВ бюджети тахминан 40–45 миллион еврони ташкил қилади, бироқ томошабинлар улуши атиги 0,1% атрофида (фильмлар намойиш этилганда эса 0,2%). Клуб телеканалимиз молиявий кўрсаткичларини яхшилаши керак. Уларнинг имкониятлари катта: ўз академияси, асосий жамоа ва таниқли ўйинчилари бор. Биз контент яратишимиз, клуб аъзолари ва мухлисларни хабардор қилиб боришимиз мумкин.

Телеканал биринчи навбатда мадридликларни жалб қилиши, мухлисларни маълумот билан таъминлаши, кўнгилочар дастурлар бериши ва бутун дунёдаги мадридистлар учун магнит вазифасини ўташи лозим. Энг муҳими, бу лойиҳа фойда келтирувчи бўлиши шарт, 40–45 миллион евро бюджет билан эмас», – деди Рикельме.